رسالة من صديق بالكلية علي موقع ميكاسايت

بسم الله الرحمن الرحيم

السلام عليكم و رحمة الله

يا ريت الرسالة دي توصل للشباب اللي في المعتقل

-------

سلام عليكم يا شباب

أخباركم ايه

ربنا يزيدكم ثباتا و ان شاء الله تخرجوا بسرعة

وللا احسن تكون القعدة عجبتكم جوا :) ؟؟؟

احنا كلنا هنا بندعيلكم كل يوم انكم تخرجوا لنا بالسلامة

عشان فيه ملازم متأخرة....و لازم نعمل الملازم :)

كريم أحمد

و فيه رسايل خاصة لأشخاص عزاز عليا

------

1- مصعب حسين الجمال
مصعوبتي حبيب قلبي طبعا انتا هاتلاقيك انتا اللي قايم بدور ال HR جوا و عمال ترفه عن الناس و عامل برنامج المعسكر من اوله لاخره
ربنا معاك و تطلع بسرعة >>>>>>عملك الأسود

-----

2- محمد هيكل
ايه يا عم هيكل.....هانخطب خلاص و انتا لسا جوا .....ما يصحش
اخرج يللا عشان نكتب كتابنا في يوم واحد

------

3-احمد اشرف
ايه يا بو حميد.......هاتتأخر كتير؟؟؟.....هانفضل مستنيين أد ايه؟؟
انا مش هاستني كتير.....لو ما طلعتش علي طول.....انا هاكمل المواضيع من غيرك
ابقي سلملي علي اخوك كتير

------

4- أنس عبد القادر
قلت لك ميت مرة يا انس.......ما تفتيش في اختها....

------

5- حسن عز الدين
التدريب يا عم بعد ما كان جايله 12 واحد....ما بقاش في ولا واحد جاي
دا يصح ؟
و انتو طالعين 30 واحد........اتقوا ربنا
و يا رب تخرجوا بالسلامة علي طول

--------

6- هيثم عاشور
هيثم.....الحقني ياعم ....مش باحفظ خالص
ما طبعا.....اللي محفظني في المعتقل......فحقي اوقف لغاية ما تطلع

-------

7- احمد صبري
ما تتبلطجش علي الناس هناك....بالراحة عليهم
و اياك تقعد تعمل سكتشات علي الواد عبدالرحمن اشرف......شوفولكم حد تاني

-------

8- محمد سيد جمعة
حبيبي......ايه يا عم
انا شفتك في الصورة فرحان و ماسك المصحف
ربنا يفرحك اكتر و اكتر و يزيدك ايمان
عايزك تظبط الناس جوا خواطر ايمانية

-------

9- ملهم عبدالرازق
طبعا زمانك عمال بتفكر في اسكتشات تمثلها اول ما تطلع من المعتقل
علي العموم شكلك يجنن في لبس المعتقلين

------

10- احمد ناجي
ايه اللي وداك مع الناس دي يا بني....دانتا غلبان
ما تعملش كدا تاني ..

------

11-عاطف
الانتخابات علي السايت الناس مستنياك تطلع.....و كل الناس بتدعيلك....ربنا معاك

و أي حد نسيته بعد كدا معلش......بس انتوا كتير اوي

سلام عليكم و رحمة الله