Thursday, July 19, 2007

سري للغاية .....حوار مع ضابط أمن دولة



بعد استغراب الطلاب من أعتقال زملائهم توجهنا لأحد المسئولين بأمن الدولة لنجري معه حديثا صحفيا حول اهذه القضية و هل الحكومة تعتقل الطلاب اللي بيصيفوا

أعلن المسئول بأمن الدولة في أثناء الحديث معه أن الحكومة مش ضد الناس اللي بتصيف لكنها ضد الارهاب
و بعدين المصيف معمول للفرفشة و النعنشة والفك عن النفس و الترويح ....و لكن العبادة في الجامع
و ده يفسر حالة القبض علي الطلاب المعتقلين أنهم أرتكبوا هذه الجريمة ..في المصيف ..فمنستغربش أنهم أتقبض عليهم

و عندما سألناه عن إن شباب الحزب الوطني بيصيفوا ؟؟
فقال : شباب الحزب الوطني بيعملوا مصايف برده و أحنا مش بنقول لحد ما تطلعش مصيف لأ أطلع بس بشروط
1- لازم يكون معاك بنات " و حلوين عشان لو وحشين هنرجعهم "
2- لازم تكون ما بتصليش ...عشان لو صليت هنقبض عليك
3- لازم تشغل أغاني و خصوصا نانسي و اليسا و كاظم و ممنوع الاغاني القديم و خصوصا الوطنية
4- لازم تاخد طبلة و رق عشان الهيصة
5- لازم التهريج يبقي فيه شتيمة عشان نطمن أنك تبع الحكومة و مش متطرف
و البعدين أنا بستغرب يا رااااااجل أزاي الشباب دول بيقولوا علي نفسهم ملتزمين و يجوا مصيف أصلا ؟؟

قولتله يا فندم : ده يدل إنهم مش ارهابيين ؟؟ عشان بيجوا المصيف و بينزلوا البحر ؟؟
قالي أه بينزلوا البحر بالمايوه الشرعي ..و دي يدل علي أنهم متزمتين
و أحنا بنراقب كل اللي بينزلوا البحر و بنقيس الشورت من علي بعد لو لقيناه عند الركبة علي طول بنلقطه و نقول ارهابي و كل ما الشورت يقصر يبقي أحسن
و بعدين الدنيا حر ايه لزمته الشورت الطويل ..........

طبعا خرجنا من الموضوع و ضابط أمن الدولة شكله عايز يهرب من الاسئلة
فسألته : ألا تخافون الله فيما تفعلون ؟؟؟
فنادي : علي المخبر اللي علي الباب و قاله حطه في الحجز لحد ما نشوفوا تبع جماعة ايه دا راخر

هذه القصة من وحي الخيال لكن نجزم أنه لو حصل مقابلة صحفية مع مسئول من أمن الدولة لن يختلف هذا الحوار كثيرا
فهذه هي احوال بلادي ...........

3 comments:

الحمد لله على كل حال said...

حكت لي احدى طالبات الاخوان انهم كانوا في نزهة لأحد الحدائق وفي نص الرحلة جه الضابط ومنعهم من التجمع بهذا الشكل المريب .. طالبة منهم اتنرفزت وقالتله ما احنا شفنا تجمعات كتير شباب وبنات واحنا ماشيين .. رد عليها ببرود .. عشان هم شباب وبنات مع بعض!!

إخوانية مصرية said...

والله هم يضحك وهم يبكي
حسبنا الله ونعم الوكيل
مش عارفه اقول اخي الكريم ولااخوتي
المهم
هل من الممكن ننقل حاجة من المدونة
وطبعا هنذكر المصدر
وجزاكم الله خيرا علي التغطية دائما

طالب حر said...

اه يا فندم كل ما في المدونة ملك لكل المسلمين
بإمكان حضرتك نشر أي شئ من المدونة بدون
و هذا يسعدنا كثيرا
و جزيتم خيرا