رسالة حب...........السجن للجدعان

السلام عليكم و رحمة الله

ايه اخباركم يا ابطال

و زي ما بيقولوا في المثل

السجن للجدعان

يارب تكونوا كلكم كويسين

و يا رب ما يكونش السجن هزكم من جوا....ارجو انه يكون زادكم إيمان بالله و ثباتا علي الحق

و احب أهدي رسائل سريعة لأفراد بعينهم:-

1- مصعوبتي .....حبيب قلبي.....أنا عملك الاسود....وقعت في الفخ يا معلم....قعدت تقوللي مش هاينفع اسافر و مامتي قاعدة لوحدها....اديك اتمسكت يا حلو

مش كان احسن لو سافرنا في ايام الامتحانات انا و انتا.......اللهم لا شماتة طبعا

2- عم هيكل او في اقوال اخري بيسو.......ارجوك امسك اعصابك...انا عارفك بتتنرفز بسرعة و ممكن تودي نفسك في ستين داهية......امسك اعصابك و اوعي تتهور

و يا ريت تبقي تفرجنا كدا علي حتة من ادارة الازمات.....لدكتور طارق سويدان.......

و بالمناسبة يا ريت تطلع بسرعة......احسن انا قربت اكتب كتابي و انتا لسا جوا...........مش معقول كدا

3- احمد اشرف.......ربنا يستر عليك يا بني لما تروح ان شاء الله...........انا عارف ان أهلك هايحبسوك في البيت لمدة سنة علي الأقل....بس ان شاء الله ربنا معاك

انتا و اخوك و سلملي عليه كتير.........

طبعا اتمني انك تطلع بسرعة عشان انتا واحشني جامد انتا و الاتنين اللي قبليك دول

و عايز بس ابقي افكرك بحاجة مهمة جدا.......و هي......"من العجيب ان يدعو المرء لاخوانه اكثر مما يدعو لنفسه :) "

4- أنس.......هو مفيش مرة اشوفك من غير الابتسامة العريضة بتاعتك انتا و اخوك دي.....ربنا معاك و يثبتك ان شاء الله

بس مش يثبتك بمسمارين ...عشان عارف في انتاج عندكو الحياة كلها مسامير

5- ملهم ...........انا اصلا فطسان علي روحي من الدحك اما شوفتك

و عايز اقوللك حاجة واحدة بس.......

شكلك يجنن في بدلة المعتقلين

6- محمد سيد جمعة........نجم يا بني والله في الصورة.........مش هاقوللك يا مجرم علي رأي مدحت شلبي.....بس عايز اقوللك حاجة واحدة

إن تنصروا الله ينصركم و يثبت أقدامكم

7- حسن عز و حسام البدوي.......كنت اسمع عن التدريب اللي انتوا عايزين تروحوه في الصيف........

علي العموم....اديك بتدربوا في المعتقل اهوا.....تدريب عمر ما كان اي حد يحلم بيه :) ........و من غير وسايط ولا بتاع ...

8- احمد صبري.......ليا طلبين يا صبري

الأول ما تتهورش علي الناس هناك

و التاني .....ارجوك ما تقعدش تعمل اسكتشات علي الواد عبدالرحمن اشرف هناك.....احسن الواد دا غلبان اوي

9- هيثم.......انتا طلعت ندل اوي........بئا انا اجي احفظ معاك قرءان ....تقوم تيجي و تهرب مني و تدخل المعتقل....طيب يا هيثم ...مستنيك اما تطلع.....عشان نكمل

10- عاصم حازم الزناتي....ربنا معاك يابني و يثبتك ....و تعيش سعيد علي طول احسن انتا اتبهدلت جامد اوي من ساعة ما دخلت الكلية دي

و سلامي إلي الجميع...و ربنا معاكم ان شاء الله

سلام عليكم و رحمة الله