اتحاد الطلبة هو عبارة عن برلمان صغير " ذي مجلس الشعب كده بالضبط " بيتخذ قرارات تهم الطلبة و يتم أنتخابه من قبل الطلاب
و يتكون هذا الاتحاد من عدد من اللجان " 6 لجان "
لجنة الاسر / لجنة الجوالة / لجنة الثقافية / لجنة الاجتماعية / اللجنة الرياضية / اللجنة الفنية
و طبعا الـــ 6 لجان دول هم اللي بيصرفوا ميزانية الطلبة اللي بيستلموها لما يدخلوا الاتحاد
طيب كام هي بقي ميزانية الطلبة
لحد السنة اللي فاتت كان كل طالب بيدفع 10 جنيه اتحاد يعني لو كليتك فيها 10 الاف طالب بي سبقي الميزانية 100 الف جنيه شوف يعملوا ايه بقي دا غير اللي بيجي من الدولة ووزارة التعليم العالي
لكن السنة دي مصاريف الاتحاد بقت 60 جنيه يعني لو كليتك 10 الاف يبقي 600 الف جنيه ..تقدر تقول 3/4 مليون جنيه
ياااااااااااااااااااااااااه
شوفت بقي ميزانية كبيرة في ايد الطلبة ممكن يغيروا كتير في الكلية
بس ده بيرجع للطلبة اللي بيمسكوا الاتحاد
لو رجالة يبقي هتشوف اتحاد جامد ولو طلبة كوسة من بتوع الامن يبقي مش هتشوف حاجة و الفلوس هتتسرق و هي دي بقي
الكــــــــــوســــــــــة
